Da Narración á Vida: A Propósito da Identidade Narrativa en Paul Ricoeur

Analízase neste ensaio a cuestión da identidade desde a perspectiva filosófica. Comezamos ofrecendo un achegamento ao concepto de identidade. Sinalamos a continuación algún dos seus trazos característicos: a identidade é composta, dinámica e dialéctica. Desde o punto de vista funcional, está relacionada con aspectos da personalidade tan importantes como a autoestima, a adaptación social, etc. Así mesmo, a cuestión da identidade, tanto no plano individual como comunitario, leva aparellados un conxunto de valores e comportamentos. Foros moitos os filósofos que trataron esta cuestión ao longo da historia. Neste traballo saliento a novidade do concepto de “identidade narrativa” do filósofo francés Paul Ricoeur, introducido na triloxía Temps et récit (1983-85) como nexo de unión entre o relato histórico e o relato de ficción; e desenvolvido posteriormente na súa obra "Soi-même comme un autre"
(1990). Se todo coñecemento de si é unha interpretación de si, ten todo sentido falar da dimensión narrativa da identidade, considerando a propia vida como un relato en busca de narrador.